طباعة

الخلاصة يا أفندم؛....

الجمعة, 20 آب/أغسطس 2021 20:52 كتبه 
قيم الموضوع
(0 أصوات)

 

 

تسريبات المحادثة السرية  بين الافندم وكتائب إقتحام وإبادة أسرة الحرق.( العمد - تعز )

 

هات معك طقمين ، وزيد عشر قنابل للعيال

والصواريخ جيبهم لا تفكر في القتال

كل جبهه في ألامان ،وجبل هان حقنا،

 لا تفكر به كمان ، في معانا غزو  جديد،

غزوة اليوم ثانيه ،

من (عمد) نبدأ ونعيد،

نهب اراضي الحالمة

 

ثق بنا كل الثقة ،

يا افندم ،  والذي ، قد خطر ،

 في خاطرك هو اتى من عندنا

 قل توارد خاطره او فقل  رجع الصدى .

 

  ابدأ حالا  بالعدود،

واحد ، اثنين ،.. اربعة ،

حين تصل للعشرة ؛

اشتجدنا  جاهزين بأداء حُسن الردى.

 

يا أفندم منكم  نشتي مدد ،

قد نفد منا الكثير ،

 والخسارة فادحة  ، 

 بس معاك يافندم ،  خبير بالرمايه من  طرف؛

خمسه قتلى  واضفنا بعدهم ،

قل ثلاثة ، اربعة ،

 والفرار ، قد تبعنا ابتهم كلهم .

والطفولة خطفناها من احلام المنام.

 

يا أفندم المدد ، قد عملنا كل شيء ، وقهرنا المستحيل . حقنا النهب من زمان ،

وحرام مانتركه

وحدنا او مع (شيخ النسور)

 

حزننا يا أفندم ،  والندم

 صار ضعفين ، اربعة ،

الاثاث كل الاثاث  ماقدرناش نَحرَكه ،

بس لنا خِبره كبير ، بالحريق  حق البيوت .

 

يا أفندم ، كل شيء ، تم في لمح البصر ،

 نهب ،

تنكيل ،

والحريق ، زاد بالبيت يشتعل .

 

 الدخان غطا السماء ،

 والمكان اظلم بنا ،

 وتعثرنا ، بنا ،

والطقوم ، ردين ريوس ،

والركب اتفالتين من خوفنا.

 

خوفنا ، يا خوفنا ، لا تخف ،

 الأفندم حقنا ،

  جاب لنا كل المدد،

   القنابل ، 

والطقوم بالمعدل جاهزين .

 

قسما منا الجميع ، سوف نحرق كل بيت ،

سوف نقتل كل واحد يدعي ،

 أن له  بقعه وحوش.

 

بعدهم يا أفندم بعدهم ،

 والحقيقة انهم كانوا شجعان كلهم ،

 و النساء كل النساء كانوا ، اشجع مننا.

هذا سر اللي حصل ،

 بعدها انفصل منا الضمير

 والوجع داخلنا يصلينا الجحيم .

 

والخلاصة يا فندم ، مش معي ،

 كم بقى ، من اللي كانوا معاك ،

بيننا والصدق يقال ،

 كنا فعلا مجرمين ،

مثلنا محد عملش مثل هذي المجزرة،

 محسبناش المآل.

 

يا أفندم؛

هل صحيح ان الجنايات بعدنا ،

محكمة ،

بعد محكمة ،

 الحذر يا أفندم الحذر ،

الحذر سره خطير في كتائب نهبنا .

 

تعز

15 اغسطس 2021

د. عبدالعزيز علوان

قراءة 3373 مرات

من أحدث د. عبد العزيز علوان